【VIU】MIRROR巡迴演唱會美加站即將展開，12子今早齊齊現身機場嘅VIP通道出發！率先達陣嘅係「教主」Anson Lo同Jeremy，通頂拍戲嘅教主話轉頭上機寧願補眠都唔開餐！Jeremy就有為日前喺停車場嬲嬲豬事件解畫，佢指當日見到fans撞到私家車嘅倒後鏡，護fans心切就發火了！
緊接有「哥與弟」姜濤同Ian，姜Admin開心話等上機食飛機餐，而Ian就自爆凌晨5點先嚟執行李，仲帶埋器材去錄音，才子無時無刻都創作！隊長Lokman就孖Alton到場，Alton親回「Close Friend」一事，坦言的確受影響，有頭髮都唔想做癩痢！副隊長AK同Tiger同車，AK開心話新戲已經煞科，聽到陳仔帶埋「架生」錄音，AK、Tiger心郁郁向Ian邀歌？
之後登場嘅有Jer、Frankie，Lokman之前受訪爆新歌《Day 0》會喺美加站首唱，自稱MIRROR舞王嘅Jer信心爆棚話：「好有型嘅跳舞！」仲叫大家期待吓添！壓軸到場嘅係Edan同「大表波」Stanley，啱啱出新歌《油麻地莎士比亞》嘅Edan成晚同爵屎作詩，即場清唱幾段優秀作品，Stanley仲貢獻花姐大作出嚟添！另外，當然有關心到大表波啲「波波」健唔健在啦！等兒登伸手幫大家check check，去片！
