【viu】組合虎牙今日出活動唱歌仔畀fans聽，咁啱阿正同梁子都唔係咁舒服，笑認要「賣萌」演出！啱啱喺歐洲返港嘅阿正大吐苦水，自爆喺旅程期間識唔到仔仔不突止，更因為水土不服唔舒服咗幾日，扁嘴話戴住冷帽匿喺被竇入面休息呀陰功！阿正仲話出發前已學定「我愛你」嘅德文，咁順住個勢改變策略叫room service睇吓有冇小鮮肉照顧自己，點知兩次開門都令佢O晒嘴，散發唔到佢嘅東方魅力！
不過旅程令佢更確立「亞洲小天后」之地位，傷心自稱喺外國「搵唔到食」，又搞笑指下次唔再搵「家姐」Hillary做旅伴，以免被搶仔仔之餘，唔忿氣點解用同一個pose影相會有兩個咁懸殊嘅感覺！而為咗安慰阿正嘅梁子，不惜自爆3分鐘嘅艷遇史夠晒雷，更笑嘲呢個艷遇經歷應該係史上最短！想知阿正更多旅行趣事？去荷蘭有冇搵Jeffrey個靚仔哥哥？睇足本訪問小心笑爆肚！
