【Viu】有天大嘅好消息！阿正宣布同梁子組成「虎牙」進軍樂壇，兌現同「愛人」Jeffrey組成「一對新人」嘅承諾！事緣少爺占同何兆基嚟緊10月初會喺九展開騷，就邀請阿正做暖場嘉賓，阿正即刻開行turbo搵梁子組隊寫歌，透露會係一首好chill、富「動舞」嘅，正準備錄音中，預定9月尾「出世」！真係聽到都超興奮呀！
至於MV嘞喎⋯ 阿正就話諗吓叫唔叫Edan還返粒「大粒癦」畀佢，因為佢客串Edan新歌《Again！》嗰陣被assign有癦嘅誇張造型，抵死笑話只係敢搵同事陪同睇咗一次MV咁大把！另外，阿正都有講到早排為Edan處男騷擔任嘉賓一事，直言企到上台好hyper，戥老友開騷開心，希望下次6膠可以齊人！而當晚對阿正嚟講最佳獎勵就必定係同Jeffrey手拖手，佢形容為「被動地自肥」，所謂何解呢？「爺爺」岑珈其出浴嗰幕係邊個嘅idea？幾時同Jeffrey出合唱歌？呢條咁精彩嘅足本訪問片，絕不能錯過！
