【Viu】George@P1X3L、「大表嫂」Alina今日以嘉賓身份現身「STEM獎勵計劃2024」啟動禮，齊齊開心share保育心得！P1X3L仲有8日就開九展騷，George透露三子已經ready好上台，又暗爆Phoebus同Marco各自都有練緊嘢，咁佢自己呢？又有冇驚喜畀puzzle？
ViuTV新劇《哪一天我們會紅》日前舉行開鏡，演員陣容入面有幾位《那年盛夏我們綻放如花》同學，Marf、Yukki戴玉麒、張毓軒，對有網民希望George、Marco加入劇組，George安慰指合作機會有好多，希望之後可以原班人馬再合作！
「大表嫂」Alina噚日先喺意大利飛返港，佢透露此行係同媽咪慶祝母親節，超孝順呀！講到「大表波」Stanley post同美國樂壇天后Rihanna嘅合照，Alina醋爆話勁葡萄！至於有眼利嘅網民留意到大表嫂嘅IG冇咗ViuTV經理人嘅contact，莫非已完約？另外，早前Alina着娃娃連身裙同大表哥出席婚宴被網民指孕味濃，大表嫂又點回應？咁幾時同大表哥拉埋天窗？夠鐘睇足本訪問片啦！
