【Viu】曾經迷倒唔少年輕人嘅姊妹組合2R，家姐Rosanne黃婉君相隔18年再戰樂壇，自資出新歌《帥起來》。今晚喺中環一餐廳舉行MV首播，Rosanne透視喱士裝孖Dancers跳唱，仲勁過做女嗰陣呀！
靚仔牙醫老公同兩個囝囝都嚟撐埸，仲當眾錫錫，Sweet過初戀！而妹妹Race黃婉佩當然都係Guest之一，佢話上市公司公事繁忙，聽朝7點就要飛返新加坡，但都無阻佢撐家姐，係愛呀！
Rosanne話出歌成壇嘢花咗接近一年時間，全靠老公財力支持，仲沾沾Honey出咗幾張Credit Card俾佢任使，喂呀會唔會太幸福先？
Race又爆家姐屋企有司機，都堅持自己車囝囝返學，呢一年更超勤力練舞、練歌，自問對表演冇咁熱愛。
