【Viu】「花花」華晨宇終於要嚟香港見「火星人」啦！就喺今個月月尾，花花會將成個「火星樂園」舞台，原汁原味咁搬到嚟中環海濱，舉行一連3場別開生面嘅香港站巡迴演唱會，實行同火星人由晏晝玩到落夜晚，夠唔夠high先？
最新一集「Viu1 人物專訪」就請到花花，率先同香港嘅火星人打個靚招呼，另一件更重要嘅事，就梗係聽佢劇透吓呢次香港處男騷，除咗聽歌之外仲有咩玩啦！究竟花花準備咗啲咩神秘驚喜畀香港嘅火星人？佢又最想同邊位香港歌手合作？
眨吓眼，花花自參加內地選秀節目《快樂男聲》奪冠出道至今，已經踏入第11個年頭！喺過去10年，對花花印象最深刻係邊件事？佢自覺轉變得最大嘅係咩？喺創作路上曾經有樽頸位？如果時光倒流，花花竟然笑話未必會再參加比賽，直接轉軌道學廚，莫非佢係被歌唱事業耽誤嘅廚神？咁佢煮嘢食一定好掂啦！事實又係咪真係咁？有片有真相！
