【Viu】MC張天賦、陳蕾同Nancy Kwai在《CHILL CLUB推介榜 年度推介23/24》後台受訪，暢談得獎感受，驚變互屈請食飯現場，原本想屈得到新人獎嘅Nancy埋單，點知陳蕾踢爆MC那些年嘅舊數都未清，喂呀，咁True得唔得㗎！陳蕾坦言失落女歌手獎唔失望，大方恭喜Serrini，仲笑言就算自己贏可能都係差2、30票咁上下。
至於MC就話同姜濤同台領獎好緊張，仲因為今日對鞋好「貼地」而喺台上趷高腳，笑認自己係誠實同腳踏實地嘅歌手，仲親回即將喺廣州開騷嘅是是非非添！
至於Dear Jane同越南歌手VŨ.合唱掀全場高潮，Dear Jane話學越南文學足兩星期，但VŨ.學廣東話只係用咗3日，對於VŨ.大受網友歡迎，佢用廣東話同大家講多謝，而Dear Jane仲讚覺得VŨ.似某大隻港星添喎！想知就睇足本訪問啦！
