【Viu】193郭嘉駿最近推出今年首支solo歌《B出口》，原來Demo係好兄弟保錡介紹，33仲話一聽到國語版Demo就幻想自己好似「動力火車」咁，因為失戀喺「忠孝東路走九遍」，所以專誠加入香港街道元素，仲勾起那些年33喺港島街頭被分手嘅慘痛回憶，今次終於唔係「朋友嘅故事」喇！
身為「戀講嘢」大師，193親解拍拖禁忌，原來呢隻「冇腳嘅雀仔」最憎另一半管住晒，仲語重心長咁勸大家千祈唔好check伴侶電話，啱呀！Check得咪代表缺乏信任囉！
193又親解邀請Dee老師做MV導演、Sofiee出任女主角之謎，又分享「ERROR之出口」畀各位404追星用。想睇3爺開庫，記得loop爆呢個專訪喇！
