【Viu】193郭嘉駿今日出席名錶活動，佢話今朝寓所大廈停電，要行樓梯返工，仲有街坊問佢係咪193，大家又估吓佢點答呢？雖然有啲小阻滯，3爺依然準時，仲話自從成為「品牌之友」後，返工準時到自己都驚，又賣口乖話依家沖涼都戴錶，但講到新居嘅浴缸Size，又一如以往咁轉咗成人台Channel喇！
3爺又透露將於3月25號推出新歌，原本同「億萬大導」夾晒八字兼擇咗吉日，最終為咗避開12個男人而改期，又話今次MV製作費超標，差啲要自己墊支，但係就可以同女主角「水乳交融」咁話！想喺office 笑餐飽，記得睇埋足本訪問喇！
