【Viu】MIRROR今晚喺亞博演出尾場《MIRROR FEEL THE PASSION CONCERT TOUR 2024》，去到致謝辭環節，隊長Lokman做代表話眨吓眼就完成16場嘅演唱會，嚟到尾場真係好唔捨得，仲話本來覺得好難捱，但有鏡粉嘅支持，咩都撐得住！12子又承諾會一直唱、一直跳落去，令鏡粉更愛佢哋！之後佢哋秉承「傳統」，同全場鏡粉玩解鎖彩蛋，最後一場威力無窮，尖叫、歡呼聲長達1分35秒，係16場之冠！鏡粉們勁呀！
另外，今晚捧場嘉賓有Hellosss、房屋局常任秘書長兼房屋署署長羅淑佩、仲有古天樂、梁詠琪、宣萱、阿正黃正宜、阮小儀、雲妮、謝茜嘉、少爺占、當奴、田雞、強尼、練美娟、Phoebus吳啟洋、Sica同WinWin、沈殷怡等，好熱鬧！
