【Viu】韓國《WILD WILD》猛男舞者李國榮、姜天一同鄭漢三今日嚟香港宣傳5月喺亞博舉行嘅表演，仲即席除衫騷肌，圍住Dada陳靜跳辣身舞，搞到Dada「紅都面晒」，不斷掩面嗌唔敢望，笑Cry呀！
Dada受訪時笑認對自己失望，仲向廣大女性道歉，冇諗過自己會咁驚惶失措！不過Dada都話鍾情肌肉男，對姜天一最好印象，「香港波」代表就有張繼聰喇！
至於三位型男就話一落機就嚟Event，好鬼肚餓，最想大擦香港點心，仲讚港女好靚，冧死人咯！佢哋仲大談理想型，其中一位oppa仲被爆講大話，想同小編一齊熱血沸騰，睇足本訪問就可以齊齊Hot！
