【Viu】由張繼聰、梁釗峰及Manson張進翹演出的《小圓台音樂會》今晚喺旺角順利完成！三位指今次開騷係一個新嘗試，音樂行先，只有台、燈、聲簡單裝置，拋開所有表演效果之下，係會有啲赤裸嘅感覺！見阿聰開騷前喺IG晒爆肌舊相，唔通想同「大表波」Stanley battle變身「張繼波」？阿聰抵死笑話畀自己張相凍親，仲話想睇佢騷肌完全冇難度，有兩樣嘢就得啦！
呢次音樂會入面冇三位同時同台表演，佢哋話要一改傳統！至於阿聰未有同釗峰crossover，阿聰自責話好慚愧！Manson喺原唱阿聰結他伴奏下唱《循環線》嗰陣，佢話內心係勁大壓力，因為阿聰個氣場好勁！而阿聰則指望住同自己差唔多髮型嘅Manson演繹嗰陣，有種傳承嘅感覺，感動之餘又話忍唔住暗笑，點解呢？
釗峰是夜自爆英文名「Andy」引嚟勁大迴響，另外，喺感謝環節嗰陣又疑似同Manson先攬後錫，究竟佢哋有冇錫落去？三子仲話完騷已約打波勁熱血！即刻去睇訪問片！
