【Viu】張繼聰、梁釗峰同Manson張進翹將於1月25號喺旺角麥花臣場館三位合作演出《小圓台音樂會》，雖然三位唔同時間出道，但呢個期間限定組合，真係新鮮感十足㗎，難怪佢哋話聽到合作名單就應承啦！
三位「青年人」仲話首次開會已經嚟個deep talk，分享大家喺音樂之路嘅苦與樂，點樣由「承受」去到「接受」，繼而達至「享受」，相信好多社畜都有共鳴，佢哋仲大方分享「心靈按摩」嘅心水歌單，唔知到時會唔會唱呢？
講到主題係三個年代嘅「香港仔」，阿聰、釗峰同Manson又分別認為自己代表咗點樣嘅「香港精神」呢？正所謂有阿聰就有歡樂，呢位「成熟年青人」用咗幾分鐘笑談自己半生經歷，保證大家笑cry呀！Don’t miss！
