【viu】《MOOV LIVE TYSON YOSHI x GARETH.T》完美落幕，Tyson Yoshi同Gareth.T都話唱得一場唔夠喉，所以Tyson加碼預告2025年會開騷！佢仲話會認真考慮派唔派Gareth寫畀佢嗰首快歌，因為要睇吓衝唔衝破到跳舞嘅心理關口，或者向「鈣質舞」始祖兼死黨林家謙取經？
講到Tyson一出場就騷肌，佢笑話係換個除衫方式，至於Gareth就怕醜話唔battle啦！提起Gareth喺個騷指同Moon分手係今年最沮喪嘅事，不過佢樂觀話分手有滋潤創作，目前同Moon仍係好友！Tyson即叫兄弟跟佢飛台灣識台妹，係咪好想知Gareth點回應呢？
另外，Jeffrey自爆最近都搬咗屋，仲同Tyson住得好近添，Tyson即爆「笙哥」極度迷信趣事，兩位男神竟然為買唔買水煲而企喺電器舖前爭論，呢個畫面靠想像都堅好笑！即刻去足本訪問片聽Tyson再爆笙哥執着啲咩啦！
