【Viu】「宇宙天團」ERROR日前推出新歌《枱底隧道》，仲邀得經典嘅「性感女神」孫佳君做MV女主角，搞到Dee哥驚變「怕醜小Dee Dee」，全靠隊中嘅「長跑好手」打開話匣子，仲成功幫Dee哥抄女神牌添呀！不過，Dee哥就葡萄肥仔可以同女神咬耳仔喇，193仲爆肥仔為咗睇女神跳性感舞蹈，撇甩睡魔細心觀賞，咦，講真定講笑呢？
秉承ERROR嘅傳統，邊個缺席就爆邊個大鑊，佢哋除咗踢爆保錡噏錯孫佳君戲名外，仲話奇特嘅愛情觀係「師承」呢位長跑好手，仲分享自己嘅戀愛禁忌！想了解ERROR嘅愛情觀，到底係朋友妻不可窺，抑或朋友妻咪走雞呢？記得睇訪問喇！
