【Viu】岑麗香同岑珈其今日出席保險活動，分享理財心得，珈其就爆阿正係6膠中嘅理財達人，堪稱圈中小富婆，仲呼籲Jeffrey快啲搞掂層樓嘅轉名手續，等自己可以坐享其成。珈其下星期一33歲生日，佢話生日願望係想買層樓送畀媽咪，超孝順呀！
講到珈其喺噚晚嗰集《膠戰S3》嘅英文大有進步，佢話全靠臻臻賜佢靈感，原本都以為係「Fat-her」，突然叮一聲醒起係Father，仲話有同臻臻一齊學英文單字，大呻好深奧！
香香就話原本一家人返咗加拿大探親，為咗出Job吸金就交低兩個仔畀「四大長老」照顧，笑言好Enjoy「單身」生活，可以瘋狂煲劇咁話！不過香香每日都同囝囝Face Time，兩個Sweet Boy仲送咗心愛嘅車車玩具畀媽咪做護身符，乖到爆！
