【Viu】盧廣仲喺澳門舉行一連兩場「盧廣仲十五週年勵志的演唱會」，噚晚（2日）尾場，3000座位全場爆滿，歌迷整晚邊唱邊跳，氣氛高漲！佢同時公佈好消息，明年三月將來港開騷，慰藉吓啲港迷。
完騷後，盧廣仲接受訪問表示相隔四年再去澳門見歌迷，覺得歌迷長大咗。台上，盧廣仲邀請一男一女歌迷上台任伴奏，因為太用力，佢哋竟然將毃木魚嘅木棍毃斷咗，盧廣仲自爆木魚其實係問寺廟借返嚟，咁點算好？對於第一晚有男歌迷告白，廣仲持開放態度面對，仲話可以留房號？而香港歌迷終於等到盧廣仲嚟香港開騷，佢話好掛住大家，內容咁豐富，記得loop爆條片嘞！
