【Viu】由黃精甫執導、阮經天、王淨同Ben哥袁富華主演嘅影《周處除三害》，榮獲本屆金馬獎7項提名，仲係小天時隔十年、再度衝擊「金馬影帝」之作，佢直言入戲到唔捨得同通緝犯「陳桂林」講再見呀，亦佩服Ben嘅專業同認真，希望自己60歲時可以好似Ben哥一樣，親身上陣拍打戲。
至於飾演「髮廊妹」嘅王淨，仲挑戰大尺度，同Ben哥有3場火辣辣嘅情慾戲，雖然唔使衝破心理關口，但被Ben哥嘅「變臉式」演技震懾，好慶幸遇到頻率相同嘅團隊。
講到小天喺片中「除三害」，咁兩位又覺得對方有咩「害處」要除呢？王淨即踢爆小天口賤；小天亦大方展露Mean King本色，笑Cry呀！
至於《周》片被譽為「年度最惡」嘅江湖片，小天同王淨認為黃精甫導演巧妙咁透過「最惡」拍出「最善」，仲分享低潮時「救過」自己嘅人同事，王淨BB仲講到落淚，想知點解就睇專訪啦！
