【Viu】林家謙昨晚（6日）於澳門倫敦人舉行一連三場《L*underground SNEAK PEEK》澳門演唱會，一號風球之下，無減觀眾支持同熱情。家謙以《潛水》一曲揭開序幕，搞笑話：「趁颱風小犬未打到來之前，不如我哋潛落水底，匿埋一陣避一避先。」接著就用《一人之境》帶大家沉海底，享受海底世界寧靜之美。
接著家謙帶大家返上陸地，去倫敦嘅地下鐵載歌載舞；之後飛咗上天，再由太空返回地球，貫穿多首好歌。當然唔少得ENCORE環節，唱完《拼命無恙》後，歌迷依然唔捨得走，家謙再次出場，引起現場一遍混亂，歌迷由座位中衝到台前，一啲以為演唱會結束嘅歌迷，離場之際又返回場館，家謙笑笑口話：「走左就唔好返啦....哈哈。」但當然係冇人肯聽，不斷有觀眾衝向台前，幾千人齊聲大叫《記得》，最後大合唱作結。家謙喺演唱會有好多分享，想睇更多記得睇埋現場實況！
另外，值得留意係颱風小犬嘅移動路徑，目前小犬烈風區會與香港及澳門維持一段距離，大會於今日中午十二點宣佈，今晚林家謙的演唱會如常舉行，如演出前颱風訊號高於3號風球，或紅、黑雨警告信號，先會考慮取消。
