【Viu】「顏值擔當」Frankie@MIRROR首度參演音樂劇《大象的告別式》，同劇演員仲有「ViuTV一哥」強尼、「小龍」黃靖程同馮志佑，共9場首輪預售15分鐘火速售罄，Frankie同強尼都話好開心，阿英雄輝仲笑話有鞭策MIRROR班兄弟支持佢，更篤爆Tiger有私下八卦音樂劇進度！
Frankie台上自爆劇中同時愛上強尼、小龍，大搞三角關係，笑問Frankie同強尼之間嘅BL情節，佢哋鬼馬大賣關子，會唔會激到有咀嘴先？強尼笑爆話：「咁少咋咩？」咁真係好令人期待啦！Frankie豪言今次有個目標，就係希望令大家覺得佢唱歌有進步，除咗預告會唱隊友嘅歌之外，仲會唱團歌添！想知Frankie點籌備音樂劇、有咩壓力位？睇足本訪問啦！
