【Viu】貴為歌壇新人嘅Jeffrey魏浚笙首次參與大型戶外騷，表現勁淡定叻仔！但話晒都係沙灘音樂節，煨sir着套牛仔裝出嚟，好似有啲密實咁喎！不過，勝在有對吸睛麒麟臂，都頂到個雞頭嘅！同時喺咖啡豆爭取「除衫」底下，煨sir都有順應民意剝咗兩粒鈕，咁下次先再加碼啦！
期間Jeffrey仲超sweet咁彎腰同台下fans握手，行足成個圈勁有誠意！必唱《第一個迷》、《遺忘了初心的我們》，最後仲帶多首Dear Jane嘅《不許你注定一人》，見fans唔夠喉嗌encore，Jeffrey即刻追加清唱一小段《膠on！》滿足大家，更預告9月出新歌添！去片聽煨sir唱歌啦，包保大家睇到目不轉睛！
