【Viu】Jeffrey魏浚笙今日出席品牌活動，吸引過百「咖啡豆」撐場，佢仲抽出幸運Fans拎禮物，連Fans叫阿May都記得，呢位偶像真有Heart！講到早前去法國拍廣告，Jeffrey話去咗好多新地方，絕對係成就解鎖，仲即席晒咗幾句法文，沾沾嘅「中二煨」又上線喇！之但係，中文嘅四字成語難啲？抑或法文難啲呢？煨Sir就明顯畀中文考起，又噏錯成語喇！
講到星期六要演出沙灘騷，Jeffrey就話一邊拍戲一邊養聲有難道，依家每日飲杯熱檸水加鹽嚟養聲，亦唔擔心壞天氣影響，笑言落雨可能仲有mood呢！
此外，講到Sammi因受長新冠影響而將演唱會延期，Jeffrey就話有慰問對方，希望Sammi姐姐早日康復啦！
