【Viu】 麗英嘅音樂題材貼地，最近推出新歌《(Not) The First Take》，歌曲創作班底超強勁，由黃丹儀作曲、Wyman填詞，曲風跳脫輕快，帶俾人開心嘅感覺，不過首歌嘅靈感，原來係嚟自佢近年一段同朋友決裂嘅故事。新歌MV由小薯茄老闆高Ling執導，以一鏡到底嘅方式拍攝，成個過程雖然艱辛，但麗英希望帶出堅持，就可以得到Good Take嘅message，仲想鼓勵一班DSE嘅同學仔啊！
正如歌詞「找真愛 覓理想 又何只兩take」，所以除咗友情，麗英話工作、愛情都要不斷從錯誤中學習，先可以了解自己，搵到最適合嘅人。至於問到佢搵到未，麗英就秒答係Ian，仲話想一圓心願，搵男神拍玩味重嘅MV添！
