【Viu】東東陳曉東最排推出全新廣東話單曲《燒光了火柴》，今次佢搵嚟未合作過嘅曲詞班底，再加埋個咁有《初戀無限Touch》feel嘅MV，啲回憶即刻返晒嚟啊！
東東結咗婚成咗家，話咁快差唔多都有十年喇，但佢既戀愛觀咁多年嚟都冇變過，戀愛嘅時候會變得盲目。除咗極度浪漫主義，東東仲自爆曾經有過一段，好轟轟烈烈嘅地下情添！不過，拍拖時幾咁全身心投入都好，東東強調自己絕對唔係戀愛腦，如果另一半踩到佢條底線，即可出軌嘅話，東東絕對會嗌NG架，其二就係接受唔到有公主病嘅女仔。講到同另一半嘅相處，佢就話自己做得未夠好，應該要再花多啲心思喺老婆身上，嘩，咁自覺既老公 邊到搵呀？
