【Viu】台灣創作歌手Marz23首次喺香港開騷！今晚佢唱爆麥花臣，台下fans超熱情拋bra送禮，剎Marz一個措手不及！佢又勁醒學定「我愛你」嘅廣東話向fans示愛！
騷前預告好兄弟Tyson Yoshi會擔任嘉賓，而Tyson喺個唱中段出場，二人先合唱《寂寞男孩》，然後再追加jam《She Said》。當Marz23一見Tyson即鬼馬攞番個bra出嚟想套落Tyson度，Tyson見唔對路速閃！Marz23笑話依家每次見親Tyson都覺得佢再大隻咗，最勁係開咗間gym room！之後又感觸話幾年前大家都係冇乜人識嘅歌手，依家知名度急升，仲可以開埋演唱會添！想睇現場有幾high？現場實況有得睇啦！
