【Viu】周潤發、「靚靚」袁詠儀同Will柯煒林今日出席新片《別叫我賭神》宣傳，飾演理髮店老闆嘅發哥，即席幫靚靚同小朋友剪髮，似模似樣㗎！飾演發哥兒子嘅Will，亦送上蛋糕預祝父親節，場面溫馨！
發哥全程開籠雀上身狂搞Gag，泰文同客家話都出埋嚟，仲話為咗靚靚先出山拍文藝片，又自爆畀靚靚玩到殘，要預約佢再合作，連戲名都諗埋，笑Cry呀！
至於靚靚就話當年選美時係發哥做評判，今次終於合作係圓夢，但發哥竟然自爆一個塵封三十幾年嘅秘密呀，又踢爆Will後生細仔唔夠「持久力」！嘩，咁繽紛嘅，記得睇足本訪問笑餐飽喇！
