【Viu】MIRROR隊長Lokman今日孖「虎導」Tiger、編劇麥可暉上《爆谷一周》做嘉賓，宣傳第十七屆鮮浪潮開幕短片《是日精選》，Tiger笑話同谷導切磋好緊張，但心底都有好多問題想向谷導指教，而Lokman就搞笑話想問一條佢認為好白痴嘅問題！講起Jeremy喺《是日精選》入面喪爆粗，佢哋笑指Jeremy愈做愈好，特別喺副導AK積極調教之下，簡直係爆粗界嘅MVP！問到Lokman想唔想試執導？佢就話要再浸多幾年先啦！
而《造星V》進行得如火如荼，身為大師兄嘅佢哋都有mark心水學員喎！谷德昭載譽歸來主持《爆谷一周》，笑嘲自己脫離失業行列開工，又預告今季加入新item，甚至希望衝出香港！停季期間谷導話miss咗啲電影想補問，例如係《命案》！想知更多訪問內容，老規矩，梗係睇足本訪問片啦！
