【Viu】 Dez 余宗遙推出新歌《3.14》，MV仲請嚟FH Production嘅嘉盈擔任女主角，當怕醜仔遇上進擊女就知會發生好多趣事啦！而且佢哋仲自爆中學情史，嘉盈白色情人節狂收男同學禮物，櫃桶被愛慕者塞爆喉糖，高峰期仲試過同時被十個男仔追！不過Dez就慘啲喇，中學寫英文信約女仔去舞會都被人reject，反而出道後有一班歌迷支持，仲有die-hard fans將佢嘅簽名紋上身向佢表白，真係大癲啊！佢哋仲公開心目中另一半嘅NG行為，嘉盈就最憎男仔花心出軌，而Dez竟然最怕女仔著人字拖？估唔到Dez有呢邊面嘅心理陰影喎！
