【Viu】 由大銀幕再殺入公仔箱嘅恆仔趙善恆，再次挑戰自導自演首度拍電視劇《和解在後》，故事以調解員負責嘅日常個案為中⼼，為咗更了解調解員呢份職業，恆仔仲特登報course學做一位真正嘅調解員，不過恆仔就話唔敢學以致用，喺現實生活中幫大家調解紛爭喇！
講到今次點解會想挑戰拍劇，佢就話係想俾個挑戰自己，當一份練習習作，拍完劇學到嘢再返去拍電影，果然係自我要求極高啊！ 恆仔今次唔單止擔任導演同編審，連casting都有份參與，仲獨具慧眼睇中從未拍過戲嘅Ivy So出任女主角！恆仔仲大讚Ivy好用心好勤力，表演完全唔似演戲初哥，真係好期待恆仔同Ivy會喺新劇中擦出咩新火花啊！
