【Viu】RubberBand聽日17號就起行，展開歐洲巡唱之旅，4站目的地分別係英國倫敦同曼城、德國柏林、荷蘭阿姆斯特丹。噚日四子聯同部份樂隊成員作出發前最後綵排，有家室嘅阿正同阿偉都話會帶埋老婆同囡囡去，而6號就搞笑話老婆嫌佢唱歌悶，未知會唔會去睇騷，至於泥鯭就避談女友黃心穎，「我今次只同隊友一齊去。」
再問泥鯭近日為心穎監製新歌《Crown me》點擊率唔錯，泥鯭霸氣話佢從來唔信點擊率，「點擊率可以用好多方法得到。」咁覺得心穎有冇做歌手潛質？泥鯭笑言：「人人都有佢嘅talent，我相信你哋每個人每部攝影機嘅背後都有你哋嘅talent。」咁RB又有冇機會同心穎合作？想知泥鯭點答，記得click入嚟睇片啦！
