【Viu】 MC一連三晚嘅處男紅館演唱會，喺大年初一晚圓滿結束，個唱尾場MC多次感觸落淚，勁多洋蔥位！雖然頭兩晚都冇Encore環節，但呢晚MC特登唱出《給缺席的人唱首歌》獻俾天上嘅爸爸，唱到中途MC更泣不成聲，場面感人。
不過有感動位，當然亦有笑位啦！MC呢晚請到古巨基做嘉賓，合唱完《自我安慰》之後，MC明明想同基仔表白話細嗰成日聽佢嘅歌嚟學唱歌技巧，點知不斷自爆以前上網下載歌曲，搞到要前輩幫口兜，但最後都係越講越錯，MC唯有傻笑直認，兼叫大家唔好學佢，記得支持正版音樂，真係俾佢笑死啊！
MC紅館騷尾場有洋蔥 喊住唱《給缺席的人唱首歌》獻亡父
MC紅館騷尾場有洋蔥 喊住唱《給缺席的人唱首歌》獻亡父
