【Viu】迎接新一年，兩位女神Hillary劉沛蘅同Mandy譚旻萱唔單止幫自己扮靚，仲為愛犬悉心打扮，Hillary仲話會帶埋狗狗返屋企拜年，既然新年團拜，當然亦唔少得男朋友洪立卓啦，怕唔怕到時畀屋企人催婚？Hillary就話屋企人好開通，但都會問返兩句，不過Hillary就話冇理由自己主動答過幾年就結婚，決定將個波交返埋立立，仲隔空叫立立：「識做啦」嘩，Hillary開到口，立立快啲做嘢啦！另外Hillary仲自爆同阿正計劃去旅行，希望到時喺當地幫阿正出pool啊！
提到殺入百大美女第68位，Mandy多謝大家喜愛同支持同時，亦表示呢啲都係各花入各眼，唔會將「女神」呢個稱號睇得太重，仲話自己私下比較麻甩添！佢亦表示去年有唔少轉變，希望新一年喺唔同範疇有所發展，繼續做自己想做嘅事！
