【Viu】 洪嘉豪處男個唱噚晚尾場 ，請嚟「哥哥」張敬軒做嘉賓，一齊合唱《騷靈情歌》，搞到現場觀眾超興奮勁激動啊！兩個人喺台上對話互派洋蔥，嘉豪仲話見到軒哥哥上台嗰刻，真係差啲想喊出嚟啊！而軒公仲話喺音樂路上冇幫到嘉豪太多，所以今日嘅一切都係靠嘉豪自己嘅努力同歌迷嘅支持，真係超級洋蔥啊！而且嘉豪仲約定軒公，下次開紅館一定會再請軒公做嘉賓！噚晚咁開心，嘉豪都決賽派福利，360度騷腹肌，真係好壯啊！ 其實噚晚除咗有軒公做嘉賓之外，嘉豪嘅一班老友都有喺台下支持，為佢落力打氣，包括同門嘅MC 張天賦、C AllStar嘅On仔、MIRROR嘅AK 、Jace陳凱詠、ERROR嘅肥仔、Jeffrey 魏浚笙、白只、蘇麗珊、JUDE同Yanny等等。而喺演唱會Ending，嘉豪都同大家做咗一個約定，就係「下次紅館見」！
