【now.com】歌手李幸倪(Gin) 去年約滿離開環球唱片後一直未有消息，今日(11日) 就正式對外宣布加盟英皇娛樂，表示期間接觸過幾間不同公司，認為英皇娛樂與她的方向最為接近。
出道十二年的李幸倪(Gin) ，去年決定踏出舒適圈離開舊公司，期間接觸過幾間不同公司，認為新公司英皇娛樂誠意十足，直言滿意「轉會費」：「咁當然唔係單單因為酬勞，係所有配套，係一個整體嘅package。」
Gin 又指新公司自由度高：「特別係音樂、形象上面，完全係100%信任我！令我覺得好舒服。」問及未來她又稱：「可以同好多唔同嘅音樂單位合作，好有新衝擊。」、「而且好多歌手都認識咗好多年，一直都冇機會合作，所以希望嚟緊同大家有多啲交流。」
Gin 在公布英皇娛樂的今天亦同步刪除個人社交平台上舊有的照片，只留下最新的宣傳照，有網民笑稱：「睇黎(嚟)真係發生了什麼事」，亦有不少網民期待 Gin 到新公司後的動態，希望她能夠有更多元的發展。
短短 2 小時內 Gin 亦轉發了 22 則祝賀她加盟新公司的限時動態，其中張敬軒指：「我哋有更多合作機會喇」Gin亦回覆：「Thank you 師兄 機會嚟啦」。
Photo／英皇娛樂、FaceBook：@Gin Lee 李幸倪、Instagram：@ginleeginlee
