【Viu】Ian陳卓賢今日喺牛頭角出席ViuTV劇集《冰上火花》開鏡，今次以冰上曲棍球做主題，Ian早在兩個月前已經開始學冰曲。佢好有自信話：「唔會好似企鵝咁。」佢仲自爆初初懶有型，冇戴護踭練習：「non-stop學咗3個鐘都冇事，點知返去休息嗰陣，個意念一鬆就跌親。」佢話而家拍攝同練習都會着晒full gear，費事受傷影響拍攝進度。
同劇嘅AK今日就冇嚟，Ian話因為AK忙緊其他工作先，不過私下有溝通過，佢爆AK擔心自己冇時間練冰曲。
講到之前佢同張敬軒合作做live，有網友叫佢哋一齊開騷，Ian都好希望有咁嘅機會。張敬軒又大讚佢寫歌快，Ian都好希望可以為軒公作歌，不過要自己100%滿意先敢交歌。
