【Viu】台灣男神Eddie彭于晏、劉俊謙同女友Cecilia蔡思韵現身馬場活動，礙於疫情關係，Eddie有幾年冇喺香港出席公開活動，多謝大家咁錫佢，仲讚佢靚仔，而自己喺酒店時都有做Gym保持身形，希望fit爆咁見大家。佢又話明年先再拍電影，呢排專注陪家人，亦有偷閒學整陶瓷，又話早排約始源@SJ見面好開心，希望繼《破風》後再度合作咁話！
至於Cecilia就直認對Eddie心心眼，但唔敢答到底男友定Eddie邊個靚仔啲；劉謙就識做咁自嘲單係胸肌都輸成條街。
此外，李克勤為活動做暖場嘉賓，獻唱3首金曲，仲預告5月會再開騷。克勤又話噚晚同兩個囝囝一齊睇世界盃，見到愛隊英格蘭射失十二碼，只能夠慨嘆一句：「都習慣㗎啦！」
