【Viu】《MOOV Live RubberBand x 方皓玟》順利舉行，樂隊RubberBand同「小明」方皓玟完騷後受訪。講到RB喺騷入面打破傳統首唱新歌《戀人日常之直線抽擊》，佢哋話呢首歌係早一、兩個月去泰國錄音嘅其中一首，依家所有歌都後製中，希望好快可以畀大家聽到製成品！
提起呢次泰國錄音trip，四子自爆趣事，當每位成員完成錄音嗰刻，就即刻除淨條底褲跳入泳池慶祝！6號爆呢場下水禮嘅發起人係「泥生」，但全team唯獨得阿正冇落水，佢喺隔離笑笑口話自己冇咁笨，死都唔會跟風跳，因為若然落咗水就要去醫院，搞到入醫院咁大件事？究竟點解呢？快啲click入足本訪問片聽吓佢哋點講啦！
