【Viu】岑珈其、Will柯煒林、Cecilia蘇麗珊、Rachel梁雍婷同張紋嘉等噚晚出席《緣路山旮旯》慶功宴，開香檳慶祝票房超過1000萬，威呀！珈其希望原班人馬再合作其他題材，但暫時冇片商邀約，依家都仲要周圍搲撈，為咗機會唔怕厚面皮！問到會唔會派福利益Fans？珈其話7000萬就除衫，1億就除褲，嘩，記得找數呀！
至於男神Will就唔羨慕珈其畀女圍，如果拍續集希望專注兄弟情。佢又預告拍緊ViuTV新劇，飾演律師男朋友，但親熱戲點到即止，如果遇到好導演同劇本，唔介意好似《色，戒》咁為藝術犧牲！此外，Cecilia同Rachel希望續集可以拍She She劇情，尺度可以好闊都得！
