【Viu】「亞視一姐」薛影儀同Gloria黃榕今日去長沙灣梁天柱醫館做義工，派物資俾長者，當中有月餅同消毒用品，等公公婆婆們過一個靚中秋，勁有愛。其實呢單活動係Gloria負責line-up㗎，佢知道阿儀鍾意做善事所以就預埋佢。最近Gloria同阿儀勁friend成日孖住出活動，問佢會唔會教阿儀健身keep fit？Gloria話：「會呀！遲啲阿儀嚟我度學跳舞。」阿儀搶答：「我最近喺政府啲體育館度做gym，好抵呀！」問佢點解唔去Gloria度健身，是咪太貴？Gloria就話贊助阿儀，唔會收錢咁話！
講到中秋會點過？Gloria話會同屋企人食飯，但阿儀已經率先喺元朗老字號餅舖買咗個雞油月餅送俾Gloria，之後阿儀又爆seed：「黃榕你幾時食我個月餅？但我老竇話唔好食。」小編真係笑到出汗。
