【Viu】魚毛姐余慕蓮早兩年因為肺纖維化，一度留醫ICU，跨過鬼門關之後，魚毛姐推出自傳《我是一條豆角》，收益全數捐俾兒童癌病基金，行善助人。呢日佢去到電台宣傳，雖然要撐住拐杖行路，亦有兩聲咳，但精神都算唔錯！魚毛姐透露推出的自傳《我是一條豆角》，不扣成本全數捐予兒童癌病基金，自傳出版至今已經籌到50幾萬，魚毛姐仲點名多謝黎瑞恩既出錢又出力，幫佢加印多2000本，不過都全數售罄。雖然自傳咁受歡迎，但魚毛姐就話未必考慮推出part2啦，事關好嘅、精彩嘅已經記錄晒喺依家呢本書度啦！而對於自己接受電台節目直播時，有不少網民、朋友留言問候佢，魚毛姐都覺得好開心，仲話雖然自己冇親人，但有好多朋友關心自己，所以都好感謝佢哋。
