【Viu】P1X3L今日二缺一孖明禎BB出席活動，因為成員Marco慘慘豬病咗！期間主持問到女神揀Phoebus抑或George做男朋友？明禎BB腦筋急轉彎答：「小孩子才做選擇，我兩個都要！」嘩！能夠被BB「點燈」真係好幸福呀！事後Phoebus同George受訪嗰陣話近距離親眼見到女神心情巧興奮，講到Phoebus首出solo歌《漸漸地》，佢話首歌一出聽到好多支持聲音，最感動係就連魯生都出post力撐！問到George幾時輪到佢單飛，佢就大賣關子，仲話想抄BB⋯嘅經理人牌，睇吓之後有冇機會拍MV，祝你成功啦咁！
至於明禎BB聽到兩位靚仔都想搵佢合作，即刻開綠燈say yes！而提起最近網上將佢同徐若瑄做對比，兩位同是女神兼留港發展，明禎BB大呼好榮幸，大讚對方好靚女，問到會唔會跟徐若瑄拍大膽寫真，佢勁謙話身材唔夠好，但自爆真係有影寫真計劃，只係十橫都未有一撇！
