【Viu】「大馬女神」林明禎又嚟咗香港啦！今日佢晒腹肌兼纖腰拍廣告，連續8年同貸款平台合作，酬勞方面係咪8級跳先？明禎BB個樣明顯賺到笑，承認酬勞有不斷增加，仲愈嚟愈滿意添！難怪升呢做小富婆，早前自爆喺家鄉有兩間屋啦！但原來明禎話嗰兩間屋係家組同媽咪嘅，自己要再努力做嘢儲錢，目標係買到間背山面海嘅大屋。
講到佢退租台灣窩居，係咪決定留喺香港長線發展啦？明禎話依家係四海為家，邊度有嘢做就去邊度，又透露暫定會留喺香港到6月，希望可以接多啲job。至於入圍「百大美女」，明禎話知道嗰刻簡直係受寵若驚，最開心係同心目中永遠排第一嘅女神、BLACKPINK成員Lisa一齊獲提名！
