【Viu】Sica開live同fans傾偈，唔係啲咩出奇嘅事，但最近嗰次直播，保錡亂入留言問Sica：「師傅飲未」，比人挑機啦喎，Sica當然奉陪啦，即刻走去雪櫃倒酒飲啊！酒精一落肚，Sica特別high，突然間話要表演rap，仲話自己以後係「ViuTV Rapper」，跟手就rap咗欣宜首《@princejoyce》出嚟！不過其實呢次直播，Sica並唔係為咗飲酒，而係想為節目表現嚟個自我檢討，事關佢覺得自己做得唔夠好啊！Sica仲話《瘋火與膠七》係佢第一個節目，加上嗰時唔單止啲陰剪衰咗，仲係佢最肥嗰陣拍，自己睇返都覺得好趕客，所以Sica話以後要有返啲偶像包袱，照完鏡先出現喺鏡頭前喎！
