【Viu】Triple G雖然係一位Rapper，但曲風都係比較柔和，打破大家對「Rapper」嘅既有印象，「文青Rapper」當之無愧，佢都好慶幸喺好早階段就搵到屬於自己嘅獨特風格。中學時期已經開始寫詞嘅佢，為咗及早發展自己嘅音樂事業，大學讀緊year1嗰陣，居然瞞住父母決定退學，直到去年11月先喺舞台上同父母坦白！佢仲自爆其實喺2021年推出第二隻之前，佢出現咗長達3年幾嘅樽頸位，完全寫唔出詞，但好彩得到身邊朋友支持，佢先成功振作！而講到今年嘅目標，Triple G就希望9月推出新碟，11月可以開騷，仲話希望之後有機會可以同林家謙、岑寧兒同per se合作添！
