歌手泳兒（Vincy）經歷失聲低潮，近年轉唱暗黑風歌曲成績不錯，更憑《荊棘海》於新城及叱咤奪歌曲獎。睽違九年，泳兒推出全新廣東大碟《Dark Light Of The Soul》（《花開溝渠、葉落冰川》），對推出新碟她難掩興奮，更指這是最喜歡、最代表到她的大碟。
時隔九年再出大碟，Vincy 表現緊張又興奮，「對上一隻大碟應該係2013年，再出（碟）梗係緊張，同時今次係我出碟以嚟最興奮嘅一次，因為三年嘅結晶，亦都係暫時嚟講係我最鍾意、最代表到我嘅大碟。」雖然對推出新碟高興，但她直言原本無打算推出大碟，「三年前開始暗黑系列嘅曲風，一直都無諗過出碟，只係想製作一個同我以往完全唔同風格嘅系列曲風，但一路行落去嘅時候，外間嘅反應都幾受落，公司亦都好支持，然後就提議不如出碟，所以今次完全係意料之外。」
等待多時再遇出碟機會，這次在造型上亦相當花心思，足足有六個造型。其中一條紅色ruffle裙大得足以覆蓋整個拍攝棚，Vincy 表示穿上紅裙後動彈不得，笑稱裙擺像客廳那麼大，可以藏到十個小朋友。
另一個令人深刻的，便是非常唯美「空中瑜珈」造型，照片十分有藝術感，線條優美，不過原來拍攝過程相當有趣。Vincy：「大家太睇少我嘅重量，睇我外形以為我好輕，以為可以凌空吊我上去，其實我都有啲份量，哈哈。所以喺試坐時，條帶承受唔到我嘅重量，最後我哋係喺地下完成。」
剛於頒獎禮奪佳績的Vincy也「乘勝追擊」，推出今年首支歌曲《葉落冰川》，續由三年來合作無間的馮穎琪、CM及周耀輝操刀，為三年三部曲的最終章。Vincy表示「葉落冰川」本是異象，但同時代表著「只要相信，奇蹟便會出現」的可能，「其實喺呢三年裏面，都做咗好多同泳兒以往曲風好唔一樣嘅歌，去到最終最終章，我哋會比之前嘅歌『抆』走咗少許嘅暗黑，我哋大家一致都好希望可以凝聚到一種力量，去勉勵所有曾經可能喺溝渠、遇過低谷嘅朋友，到最終只要大家繼續行落去，行吓行吓去到冰川嘅話，都仍然可以見到希望。」
