人氣男團 MIRROR 掀起追星潮，令一眾「鏡粉」的伴侶叫苦連天，更開設群組互訴苦況。昨日為成員盧瀚霆（Anson Lo）26歲生日，粉絲花盡心思為他送上生日應援，他也推出新歌《不可愛教主》回禮！
今個暑假期間，MIRROR 將每周推出一首全新單曲，近日憑劇集《大叔的愛》人氣急升的成員 Anson Lo 就打響頭炮，於生日正日推出新歌《不可愛教主》。Anson Lo：「呢首歌唔係送畀自己，而係送畀神徒（Anson Lo 粉絲名稱）嘅生日禮物。上次出歌已經係一月尾嘅事，所以好想喺生日正日，同fans有一個遙距嘅共同回憶。」
陳漢娜（Hanna）擔任MV女主角
這首新歌也是《大叔的愛》的片尾曲，Anson Lo 稱《不可愛教主》記載著他在劇中角色阿牧的單戀心聲：「監製 Tommy 希望片尾曲由『阿牧』去唱，唱出佢對阿田嗰份不求回報嘅愛；填詞人林若寧亦都喺大家嘅戀愛角度出發，因為每個人都試過掛住一個人、甚至單戀，明知對方唔會鍾意自己，仍然奮不顧身去守護佢。相信聽到呢首歌嘅朋友，心裡都會浮現出一個好想見嘅人。」
Anson Lo 首次以全劇情式拍攝 MV，有別於以往的唱跳風格，在 MV 中也見到他突破尺度，不但有剛睡醒大露背肌的畫面，亦有出浴場面，相信一眾粉絲都看到「心心眼」！Anson Lo：「今次有啲鏡頭比較大膽，例如露背肌、甚至沖涼，對我嚟講算係幾大尺度！最近無乜時間操練，演唱會後只係做過兩次 gym，真係好驚無嘢畀人睇，所以拍攝展示身材嘅場面之前，我就不停做掌上壓，埋位前都要做多幾下。」
MV 最後亦有小彩蛋，女主角向 Anson Lo 表白被拒，之後鏡頭一轉，原來 AL 一直等待的人是呂爵安（Edan），延續《大叔的愛》裡的情感！
一見到 Edan，Anson Lo 笑得超甜蜜
Edan 最後驚喜現身
Photo / MV@不可愛教主
