甄子丹與謝霆鋒繼15年前電影《龍虎門》後，於電影《怒火．重案》再度合作。拍攝期間，子丹建議霆鋒為電影創作主題曲，霆鋒憑拍攝時腦海浮現的旋律，製成主題曲雛型。今日由霆鋒作曲兼編曲的電影主題曲《對峙》正式上架。
在創作主題曲時，霆鋒不時向子丹問意見，「成件事出嚟我好希望係我哋兩個嘅事。於是我就請丹哥，『丹哥，你可唔可以彈呢 part 嘅琴呀？』」子丹也指很喜歡歌曲旋律，一聽便愛上，「霆鋒就好大膽、冒險呀！好冒險地搵我去幫佢拍攝呢個 MV，因為搵我係好容易拉低咗成個 MV 嘅觀感。」
霆鋒大膽邀請子丹客串 MV，子丹一口答應更大晒琴技！劇組找來一部價值二百萬港元的三角琴，供子丹演奏，原來因為霆鋒想給他最好的，「我覺得一定要俾最好嘅嘢丹哥彈！同埋我好羨慕男仔可以彈琴，一個武功高強嘅人彈琴係一件好有型嘅一件事！」至於霆鋒當然也不能「輸蝕」，拿出全球只有29支的私人珍藏電結他，與子丹來一場音樂激鬥。
《怒火．重案》由已故導演陳木勝執導，甄子丹、謝霆鋒主演，是個正邪對立，雙雄角力的警匪故事。二人相遇，既是一場生死對決，亦可能是潛藏內心，遇強愈強的異能爆發。
