【now.com】歌手G.E.M.(鄧紫棋)前日(22日)同馮允謙、鄧佩儀等一大班朋友,於家中大搞泰國菜為主題的派對,G.E.M.更負責炮製泰式香葉炒雞,眾人又大玩近期Hit爆的「定格挑戰」攝影,更要拍4 Take才收貨,過程相當好笑!
今次炮製泰式香葉炒雞的G.E.M.雖然未有幫忙買餸,但每道菜也花盡功夫:「我每道菜都有少少貢獻,我煮嘢食當然冇咁叻啦,其實有個廚藝好勁嘅朋友一直喺我哋隔籬做軍師。」他們一行人又大玩最近紅遍網路的「定格挑戰」,片段中G.E.M.正在煎魚餅,她做了兩個定格動作,包括「O嘴」煮餸及試食魚餅,瞬間速變「靜止棋」,表情相當好笑。G.E.M.透露今次「定格挑戰」拍攝了4 Take才收貨,過程中笑料百出:「有次拍到一半,另外兩個朋友就啱啱到。有次攝影師走得太快,我哋根本未走得切位,所以有啲鏡頭見到啲朋友郁咗。」G.E.M.更說今次拍攝時不惜長期閉氣,更笑言日後或會以「定格」方式用作新歌MV拍攝。