【now.com】周秀娜（Crissie）昨日（2日）拍攝電影《大樂師‧為愛配樂》時發生意外，當她拍攝一場追逐戲時不慎跌倒，雙膝跪地，在場工作人員見狀馬上將她扶起及清潔傷口，但事後Chrissie依然痛得一拐一拐。收工後Crissie去睇骨科中醫，中醫生為她兩膝及左腳腕包紮傷口。包紮時Chrissie痛到臉容扭曲，令人睇見都痛。
原來今次Chrissie係整傷了舊患，不過好彩醫生話骨無事，只是扭傷筋同腳腕韌帶：「噚日做嘢跌親，自己又投入得濟，加上條路少少斜，鞋底又跣，所以收唔切，衝力太勁令兩個膝頭跪咗喺地下，傷到韌帶舊患。今次自己都係輪盡唔小心，下次小心啲啦。」
周秀娜一整親工作人員大為緊張，立即替好處理傷口。
周秀娜自己就冷靜抹手。
最後當然睇醫生穩陣點。
左膝頭明顯紅腫。
周秀娜痛到飛起。
