【Viu】《sica “The Eclipse” Live 2026》今晚喺TIDES舉行，sica何洛瑤以Rock Look登場，獻唱《失真模式》時仲邀得傑佬@逆流齊齊Scream，又挑戰偶像林家謙嘅神曲《喃嘸師感觀漫遊》，High爆全場！sica其後換上長髮玉女Look上陣，冧爆翻唱張柏芝嘅《任何天氣》，緊接大晒新學嘅Keyboard嚟自彈自唱《我們只有一往直前》，再以《大團圓結局》作結。Encore時，sica換上日系女團Look示人，跳唱《經痛不及我心痛》，仲拎出最愛嘅樂器牧童笛嚟吹奏《深宵便利愛》前奏，Kawaii呢！
完騷後，sica自評表現值50分，事關發生咗「S小姐連環不幸事件」，由耳機、結他、Keyboard都有甩漏，慶幸滿意嘅部份都唔少。sica親解選唱家謙同柏芝金曲嘅原因，又呼籲大家高抬貴手，唔好將片段Tag家謙喎！至於第一個髮型被指似《家有喜事》嘅「程大嫂」，sica都爆笑回應。
此外，sica話見到Marco孖5G嘅WinWin、Ash同Alice捧場恍如定心丸，仲爆Phoebus同George都有長篇Message鼓勵自己，Yoyo就噚日專誠嚟睇綵排，係愛呀！想知更多就睇足本訪問啦！
